🌷ಕಲಿಯುಗದಲ್ಲೂ ಕಣ್ಣಿಗೆ ಕಾಣುವ ದೇವರೆಂದರೆ ಅದುವೇ ಆಂಜನೇಯ ಸ್ವಾಮಿ. ಯಾಕೆಂದರೆ, ರಾಮಾಯಣ ಕಾಲದಲ್ಲಿ ರಾಮನಿಂದ ಆಂಜನೇಯ ಸ್ವಾಮಿ ಅಮರತ್ವದ ವರವನ್ನು ಪಡೆದುಕೊಂಡಿದ್ದನು. ಈ ಕಾರಣಕ್ಕಾಗಿ ಆಂಜನೇಯ ಸ್ವಾಮಿಯು ಒಂದಲ್ಲ ಒಂದು ರೂಪದಲ್ಲಿ ಭಕ್ತರ ನಡುವೆ ಇಂದಿಗೂ ಇದ್ದಾನೆ. ಪೌರಾಣಿಕ ನಂಬಿಕೆಯ ಪ್ರಕಾರ, ಯಾರು ಆಂಜನೇಯ ಸ್ವಾಮಿಯ ಬಳಿ ತನ್ನ ಕಷ್ಟಗಳನ್ನು ನೀಗಿಸು ಎಂದು ಶ್ರದ್ಧೆಯಿಂದ ಬೇಡಿಕೊಳ್ಳುತ್ತಾರೋ ಅವರ ಸಕಲ ಕಷ್ಟಗಳನ್ನೆಲ್ಲಾ ಆಂಜನೇಯ ಸ್ವಾಮಿ ಶೀಘ್ರದಲ್ಲೇ ದೂರ ಮಾಡುತ್ತಾನೆ. ಹನುಮಂತನು ರಾವಣನ ಸಂಪೂರ್ಣ ಲಂಕೆಗೆ ಬೆಂಕಿಯನ್ನಿಡುವ ಮೂಲಕ ರಾವಣನ ಉಳಿವೇ ಇರದಂತೆ ಮಾಡಿದ್ದನು. ಹನುಮಂತ ತಾನಾಗಿಯೇ ಲಂಕೆಗೆ ಬೆಂಕಿಯನ್ನು ಹಚ್ಚಿರಲಿಲ್ಲ. ಇವನ ಆದೇಶದ ಮೇರೆಗೆ ಹನುಮಂತ ಲಂಕೆಗೆ ಬೆಂಕಿಯನ್ನಿಡುತ್ತಾನೆ.
🌷ಲಂಕೆಯಲ್ಲಿ ರಾಮನಾಮ;
ರಾಮಾಯಣ ಕಥೆಯ ಪ್ರಕಾರ, ಆಂಜನೇಯ ಸ್ವಾಮಿ ಸೀತಾ ಮಾತೆಯನ್ನು ಹುಡುಕಿಕೊಂಡು ಲಂಕೆಯನ್ನು ತಲುಪಿದಾಗ ಅವನಿಗೆ ಮೊದಲು ಕೇಳಿಸಿದ ಶಬ್ಧವೆಂದರೆ ಅದುವೇ ರಾಮ. ಲಂಕೆ ರಾವಣಾಸುರನ ನಾಡು ಇಲ್ಲಿ ಯಾರು ರಾಮನ ಹೆಸರನ್ನು ಹೇಳುತ್ತಿದ್ದಾರೆ ಎಂದು ಹನುಮಂತನಿಗೆ ಆಶ್ಚರ್ಯವಾಯಿತು. ಆಗ ಅವು ಆ ಧ್ವನಿ ಕೇಳಿಸುತ್ತಿದ್ದ ದಿಕ್ಕಿನತ್ತ ಹೆಜ್ಜೆ ಹಾಕುತ್ತಾನೆ ಅಲ್ಲಿ ಅವನಿಗೆ ವಿಭೀಷಣನ ಭೇಟಿಯಾಗುತ್ತದೆ ಮತ್ತು ವಿಭೀಷಣನು ರಾಮನ ಭಕ್ತನೆಂದು ಮತ್ತು ರಾವಣನ ನೀತಿಗಳನ್ನು ವಿರೋಧಿಸುತ್ತಾನೆಂದು ಅವನಿಗೆ ತಿಳಿಯಿತು. ಇದಾದ ನಂತರ, ಹನುಮಂತನಿಗೆ ಅಶೋಕ ವನದಲ್ಲಿ ದಯನೀಯ ಸ್ಥಿತಿಯಲ್ಲಿ ಕುಳಿತಿರುವ ತಾಯಿ ಸೀತೆ ಕಾಣಿಸುತ್ತಾಳೆ. ಸೀತಾ ದೇವಿಯ ಬಳಿ ತ್ರಿಜಟಾ ಎಂಬ ಸೇವಕಿ ಕುಳಿತಿದ್ದಳು.
🌷ತ್ರಿಜಟಾಳಿಗೆ ಬಿದ್ದ ಕನಸು;
ಹನುಮಂತನು ಸೂಕ್ಷ್ಮ ರೂಪದಲ್ಲಿ ಮರದ ಮೇಲೆ ಕುಳಿತು ತ್ರಿಜಟ ಅಲ್ಲಿಂದ ಹೊರಡುವವರೆಗೂ ಕಾಯುತ್ತಿದ್ದನು. ಆಗ ಹನುಮಂತನು, ತ್ರಿಜಟಾಳು ಸೀತಾ ದೇವಿಯ ಬಳಿ ತನಗೆ ಬಿದ್ದ ಕನಸಿನ ಬಗ್ಗೆ ಹೇಳಿಕೊಳ್ಳುತ್ತಾಳೆ. ಬ್ರಹ್ಮ ಮುಹೂರ್ತದ ಸಮಯದಲ್ಲಿ ನನಗೊಂದು ಕನಸು ಬಿದ್ದಿದೆ, ಆ ಕನಸಿನಲ್ಲಿ ಸ್ವರ್ಣ ಲಂಕೆಯು ಬೆಂಕಿಗಾಹುತಿಯಾಗಿ ಭಸ್ಮವಾಗಿರುವುದನ್ನು ಹೇಳುತ್ತಿರುವುದನ್ನು ಹನುಮಂತನು ಕೇಳಿಸಿಕೊಳ್ಳುತ್ತಿರುತ್ತಾನೆ. ಇದರರ್ಥ ಭಗವಾನ್ ಶ್ರೀರಾಮನು ಲಂಕಾವನ್ನು ವಶಪಡಿಸಿಕೊಂಡ ನಂತರ ಶೀಘ್ರದಲ್ಲೇ ರಾವಣನನ್ನು ಕೊಲ್ಲುತ್ತಾನೆ. ಬ್ರಹ್ಮ ಮುಹೂರ್ತದಲ್ಲಿ ಕಂಡ ಈ ಕನಸು ಭವಿಷ್ಯದ ಸೂಚನೆಯಾಗಿರಲಿದೆ ಎಂದು ತ್ರಿಜಟಾ ತಾಯಿ ಸೀತೆಗೆ ಭರವಸೆಯನ್ನು ನೀಡಿದಳು. ತ್ರಿಜಟಾಳ ಮಾತುಗಳನ್ನು ಕೇಳಿದ ನಂತರ, ಸೀತೆಗೆ ತನ್ನ ದುಃಖಗಳು ಬೇಗ ಕೊನೆಗೊಳ್ಳುವ ಭರವಸೆ ಮೂಡಿತು.
ತ್ರಿಜಟಾಳ ಈ ಮಾತುಗಳನ್ನು ಕೇಳಿದಾಗ ಹನುಮಂತನಿಗೆ ತುಂಬಾ ಆಶ್ಚರ್ಯವಾಯಿತು ಏಕೆಂದರೆ ಹನುಮಂತ ಕೂಡ ಇದೇ ರೀತಿಯ ಕನಸನ್ನು ಕಂಡಿದ್ದನು. ತ್ರಿಜಟಾ ಸೀತೆಗೆ ಹೇಳಿದ್ದನ್ನೆಲ್ಲಾ ಹನುಮಂತನು ತನ್ನ ಕನಸಿನಲ್ಲಿ ಕಂಡಿದ್ದನು. ಈ ರಹಸ್ಯ ಸಂಭಾಷಣೆಯಲ್ಲಿ ಹನುಮಂತನಿಗೆ ಲಂಕೆಯು ಆದಷ್ಟು ಬೇಗ ಭಸ್ಮವಾಗುವ ಸುದ್ದಿ ತಿಳಿಯಿತು. ಈ ಸಂಭಾಷಣೆಯ ಮೂಲಕ, ರಾವಣನ ಅಹಂಕಾರವನ್ನು ಮುರಿಯಲು ಭಗವಾನ್ ಶ್ರೀರಾಮನು ಲಂಕೆಯನ್ನು ಸುಡುವ ಸಂಕೇತವನ್ನು ನೀಡುತ್ತಿದ್ದಾನೆಂದು ಹನುಮಂತನಿಗೆ ಅರ್ಥವಾಯಿತು. ಮತ್ತೊಂದೆಡೆ ಪಾರ್ವತಿ ದೇವಿಯು ಕೂಡ ಲಂಕಾ ದಹನವಾಗಬೇಕೆಂದು ಶಾಪ ನೀಡಿರುವುದು ಹನುಮಂತನಿಗೆ ನೆನಪಿಗೆ ಬಂದಿತು.
🌷ಸೀತೆ ಮತ್ತು ಹನುಮಂತನ ಭೇಟಿ;
ಶ್ರೀರಾಮನು ರಹಸ್ಯ ಸಂಭಾಷಣೆಯ ಮೂಲಕ ಯಾವ ಸಂದೇಶವನ್ನು ನೀಡುತ್ತಿದ್ದಾನೆಂದು ಹನುಮಂತನಿಗೆ ಸ್ಪಷ್ಟವಾಗಿತ್ತು, ಆದರೆ ಹನುಮಂತನಿಗೆ ಲಂಕಾದಲ್ಲಿ ಯಾವುದೇ ವ್ಯವಸ್ಥೆಗಳಿಲ್ಲದೆ ಅಂದರೆ ಎಣ್ಣೆ, ಬೆಂಕಿ ಇತ್ಯಾದಿಗಳಿಲ್ಲದೆ ಲಂಕೆಯನ್ನು ಹೇಗೆ ಸುಡಬೇಕು ಎನ್ನುವ ಚಿಂತೆ ಉಂಟಾಯಿತು. ಹನುಮಂತನು ಈ ಆಲೋಚನೆಯಲ್ಲೇ ಮುಳುಗಿದ್ದಾಗ, ಇದ್ದಕ್ಕಿದ್ದಂತೆ ಮರದ ಕೆಳಗೆ ಒಬ್ಬಂಟಿಯಾಗಿ ಕುಳಿತಿದ್ದ ತಾಯಿ ಸೀತೆಯನ್ನು ನೋಡಿದನು. ಇದಾದ ನಂತರ, ಹನುಮಂತನು ತಾಯಿ ಸೀತೆಯನ್ನು ಭೇಟಿಯಾಗಿ, ತನ್ನನ್ನು ಭಗವಾನ್ ಶ್ರೀ ರಾಮನು ಕಳುಹಿಸಿದ್ದಾನೆಂದು ಭರವಸೆ ನೀಡಿದನು. ಹನುಮಂತನು ಶ್ರೀರಾಮನ ಉಂಗುರವನ್ನು ತಾಯಿ ಸೀತೆಗೆ ಕೊಟ್ಟನು. ತಾಯಿ ಸೀತಾ ಉಂಗುರವನ್ನು ನೋಡಿ ಸಂತೋಷಪಟ್ಟಳು.
🌷ಅಶೋಕ ವನದಲ್ಲಿ ಹನುಮಂತನ ಕಪಿಚೇಷ್ಟೆ;
ಸೀತಾಮಾತೆಯನ್ನು ಭೇಟಿಯಾದ ನಂತರ, ಹನುಮಂತನು ಅಶೋಕ ವನದಲ್ಲಿ ಸುತ್ತಾಡಲು ಪ್ರಾರಂಭಿಸಿದನು. ಹನುಮಂತನು ತನ್ನ ಮನಬಂದಂತೆ ಹಣ್ಣುಗಳು ಮತ್ತು ಹೂವುಗಳನ್ನು ಕಿತ್ತು ಆನಂದಿಸಲು ಪ್ರಾರಂಭಿಸಿದನು. ಲಂಕಾದ ಕೆಲವು ಸೈನಿಕರು ಹನುಮಂತನನ್ನು ನೋಡಿದಾಗ, ಅವರು ಆತನನ್ನು ಹಿಡಿಯಲು ಪ್ರಯತ್ನಿಸಿದರು ಆದರೆ ಎಲ್ಲಾ ಪ್ರಯತ್ನವು ವ್ಯರ್ಥವಾಯಿತು. ಈ ಸುದ್ದಿ ಲಂಕಾದ ರಾಜಭವನಕ್ಕೆ ತಲುಪಿದಾಗ, ರಾವಣನ ಮಕ್ಕಳು ಹನುಮಂತನನ್ನು ಸೆರೆಹಿಡಿಯಲು ಒಬ್ಬೊಬ್ಬರಾಗಿ ಅಶೋಕ ವನಕ್ಕೆ ಬರುತ್ತಾರೆ. ಎಲ್ಲಾ ರೀತಿಯಲ್ಲೂ ತಾನು ವಿಫಲನಾಗುವುದನ್ನು ಕಂಡ ಮೇಘನಾದ ಬ್ರಹ್ಮಾಸ್ತ್ರವನ್ನು ಬಳಸಿದನು. ಬ್ರಹ್ಮಾಸ್ತ್ರಕ್ಕೆ ಗೌರವ ಸಲ್ಲಿಸಲು, ಹನುಮಂತನು ಬ್ರಹ್ಮಾಸ್ತ್ರಕ್ಕೆ ನಮಸ್ಕರಿಸಿ ತಾನೇ ಸ್ವತಃ ಮರಕ್ಕೆ ಬಡಿದುಕೊಂಡು ಕೆಳಗೆ ಬಿದ್ದನು. ಇದಾದ ನಂತರ, ಹನುಮಂತನನ್ನು ಹಿಡಿದು ಲಂಕಾದ ರಾಜಮನೆತನದ ಮುಂದೆ ಹಾಜರುಪಡಿಸಲಾಯಿತು.
